Ԥхыҷкәынмза 26 рзы Аԥсны Жәлар Реизара – Парламент Ахантәаҩы Ашәба Лаша ихантәаҩрала имҩаԥысит Апарламент асессиа инарҭбаау аилатәара.  

Аԥсны Аҳәынҭқарра Ахада Гәынба Бадра Аԥсны Аҳәынҭқарра Аконституциа инақәыршәаны, Апарламент аилатәараҿы атәылаҟны иҟоу аҭагылазаашьазы, адәныҟатәии аҩныҵҟатәии аполитиказы есышықәсатәи Анашьҭымҭа ҟаиҵеит.

Аилатәарахь иааԥхьан аҳәынҭқарратә напхгараҭара аусбарҭа хадақәа рнапхгаҩцәа, аӡбаратә мчхареи апрокуратуреи аҭыԥантәи ахаланапхгара аусбарҭақәеи рхаҭарнакцәа, араионқәеи ақалақьқәеи рхадацәа, аҭҵаарадырреи аҵариуреи русҳәарҭақәа рнапхгаҩцәа, ауаажәларратә усзуҩцәа, АИХ аусзуҩцәа.