Аԥсны Жәлар Реизара-Апарламент аҟны имҩаԥысит Атәылахьчареи амилаҭтә шәарҭадареи рзы аилак иарку аилатәара.
Аилатәарахь иааԥхьан Аԥсны Аҳәынҭқарра Апрокурор хада Агрба Адгәыр, аԥыза-министр, аҩныҵҟатәи аусқәа рминистр Киут Роберт, Апарламент аҟны иҟоу Ахада ихаҭарнак Шамба Дмитри, адәныҟатәи аусқәа рминистр ихаҭыԥуаҩ Ҭыжәба Иракли, ААР атәылауашәҟәтәы усбарҭа аиҳабы Ҟалӷьы Асҭамыр.
Аилатәараан ирылацәажәеит Аԥсны Аҳәынҭқарра ААР аусура, атәылауаҩшәҟәқәа амашьынаныҟәцаратә рҵабыргыгақәа рыҭара иадҳәалоу азҵаарақәа  
   Абарҭ атемақәа инарымаданы имҩаԥысит агәаанагарақәа реимдара.
Атәылахьчареи амилаҭтә шәарҭадареи рзы аилак аҳәамҭа ҟанаҵеит излацәажәаз азҵаарақәа рзы аилатәарақәа рыҟны уи аԥхьа азыӡбақәа шрыдрымкылац ала.
Интернет -цхыраагӡақәак адепутатцәа азыӡбақәеи абжьгарақәеи рыдыркылеит ҳәа ирыладырҵәаз аинформациа аиашаӡам.