Аилатәара мҩаԥысит Апарламент Ахантәаҩы ихаҭыԥуаҩ Аҩӡба Фазлыбеи ихантәаҩрала.

Иахәаԥшит иагьрыдыркылеит аҵыхәтәантәи аԥхьарала Аԥсны Аҳәынҭқарра Азакәан.

«Аԥсны Аҳәынҭқарреи Урыстәылатәи Афедерациеи рыбжьара 2010 шықәса жәабранмза 17 аҟнытә Аԥсны Аҳәынҭқарра аҵакырадгьыл аҿы еидҵоу урыстәылатәи арратә базазы Аԥсны Аҳәынҭқарреи Урыстәылатәи Афедерациеи рыбжьара Аиқәшаҳаҭра аԥсахрақәа ралагаларазы Аԥкаанҵа ашьақәырӷәӷәара".

Ажәахәҟаҵаҩ - Аԥсны Жәлар Реизара-Апарламент аҿы Аԥсны Аҳәынҭқарра Ахада ихаҭарнак Шамба Дмитри.

Ирыхәаԥшуп иагьрыдкылоуп Аԥсны Жәлар Реизара - Апарламент ақәҵарақәа:

"Аԥсны Жәлар Реизара – Апарламент адепутат Каҷараа г.В. изинмчхарақәа рыҿҳәарааиаанӡа раанкыларазы".
»Аԥсны Жәлар Реизара – Апарламент адепутат Голанӡиа в.В. изинмчхарақәа рыҿҳәарааиаанӡа раанкыларазы".

Ажәахәҟаҵаҩ-Аԥсны Жәлар Реизара - Апарламент Ахантәаҩы ихаҭыԥуаҩ и Аҩӡба Фазлыбе.