Аԥсны Жәлар Реизара – Апарламент Ахантәаҩы                                                                                   Ашәба Лаша Аԥсны Аҳәынҭқарра Амилаҭтә Банк 35 шықәса ахыҵра инамаданы абанк анапхгареи аусзуҩцәеи дрыдныҳәалеит.

Ҳаҭыр зқәу Беслан Владислав-иԥа!

Аԥсны Жәлар Реизара - Апарламент ахьӡала Аԥсны Аҳәынҭқарра Амилаҭтә банк аусзуҩцәагьы Шәаргьы ишәыдысныҳәалоит Аԥсны Аҳәынҭқарра абанктә система 35-шықәса ахыҵра иазку аиубилеитә ныҳәа!
Ари ҳҳәынҭқарра афинанстә институт ашәреи аҭышәынтәалареи ирсимволу иубилеиуп. Иахьа ҷыдала иҭабуп ҳәа раҳҳәар ҳҭахуп Аԥсны Абанк аколлектив иаанарԥшуа азанааҭдырразы.
Акыр иуадаҩыз аҭагылазаашьақәа раан, абанктә система аҿиара ахацыркра анымҩаԥысуаз шәара ишәылшеит аҭакԥхықәра ду зцыз аусура амҩамԥгара,  аҳәынҭқарреи атәылауааи рҿаԥхьа шәхыдҵақәа рынагӡара.
Аԥсны Жәлар Реизара - Апарламент ахә ҳаракны иашьоит қәҿиарала имҩаԥысуа Аԥсны Абанк аус ацура. Азакәанԥҵаратә усураҿы ҳусеицура иалнаршоит анорматив-зинтә база аиӷьтәразы ааԥхьарақәа ианаамҭоу рықәҿыҭра, аҳәынҭқарра аекономикатә ҿиара ауснагӡатәқәа рыӡбара.
Аԥсны Абанк иамоу аихьӡара хадақәа иаарылукаартә иҟоуп Амилаҭтә шәатәтәы система «Аԥра» аԥҵара. Уи иахьатәи аамҭазы аҿиара, Аԥсны Аҳәынҭқарра аԥаратә системаҿы аларҵәара ду аиуит – ари ианыԥшуеит аҵыхәтәантәи ашықәсқәа рҩыныҵҟала Амилаҭтә шәатәтәы система абанктә картақәа рыла атранзакциақәа рымҽхак акырӡа ишыҭбаахаз.
Аԥсны Абанк аусураҟны акрызҵазкуа аспектны иҟоуп жәларбжьаратәи аимадарақәа рырҿиара. Иҳәатәуп, Урыстәылатәи аколлегацәеи шәареи шәусеицура, аԥышәа аимдара, азеиԥш финанстә ҵакыра алаҵәара астратегиатә роль шынарыгӡо, Аԥсны Аҳәынҭқарра абанктә система аҿиареи агәрагара аизырҳареи рзы алшара ҿыцқәа шаадыртуа.
Ҷыдала хшыҩзышьҭра аҭатәуп Амилаҭтә банк инанагӡо арккаратәи акультуратәи миссиа. Аинвестициатәи агәаларшәагатәи ԥарақәеи абанкнотақәеи рҭыжьра жәларбжьаратәи аренаҿы ареспублика ахаҿра бзиа ашьақәыргыларазы хра злоу знеишьаны иҟалеит. Ибеиоу ҳҭоурыхи, ҳкультуреи, ҳаԥсабареи рхаҿсахьақәа ныҟәызго амонетақәеи абанкнотақәеи адунеи аҿы Аԥсны иадырганы иҟалеит ҳәа иԥхьаӡоуп. Уи зырҵабыргуа акәны иҟоуп Аԥсны Абанк жәларбжьаратәи анумизматикатә цәыргақәҵақәа жәпакы иахьрылахәу.
Аԥсны Жәлар Реизара - Апарламент ахьӡала гәык-ԥсык ала Аԥсны Амилаҭтә банк аколлектив иазеиӷьасшьоитт аихьӡара ҿыцқәа. Шәусура еснагь гәрагарала иазгәаҭазааит, афинанстә система ҳҳәынҭқарра аҭышәынтәалареи аизҳазыӷьареи алзыршо акәны иҟазааит.