Венори Бебиа ихантәаҩрала имҩаԥысит Аԥсны Жәлар Реизара – Апарламент Акультуреи, аҿар русқәеи, аспорти рзы аилак аилатәара.

Адепутатцәа ауаажәларратә еиҿкаара «Жәлар рымч» лаҵарамза 14 – Аԥсны Аҳәынҭқарра Актәи Ахада Владислав Григори-иԥа Арӡынба Имш ҳәа ашьақәыргыларазы иҟанаҵаз ажәалагала иалацәажәеит.

Аилак аилатәара рхы аладырхәит Апарламент адепутатцәа, ауаажәларратә еиҿкаара «Жәлар рымч» ахантәаҩы Ҭемыр Надараиа, уи ихаҭыԥуаҩ Генрих Ҭыжәба.

Адепутатцәа ирыӡбеит Акультуреи, аҿар русқәеи, аспорти рзы аилак анаҩстәи аилатәараҿы иарбоу азҵаара алацәажәара иацырҵарц.