Иахьа Севастополь ихыркәшахеит 44-тәи Алада Урыстәылатәи Апарламенттә Асссоциациа Аконференциа.  Уи мҩаԥигеит Алада Урыстәылатәи Апарламенттә Асссоциациа Ахантәаҩы, Севастополь ақ. Азакәанԥҵаратә Еизара Ахантәаҩы Владимир Немцев имҩаԥигаз Алада-Урыстәылатәи Апарламенттә Ассоциациа Аконференциа.

Аԥсны Жәлар Реизара – Апарламент Ахантәаҩы ихаҭыԥуаҩ Ашот Миносиан, Апарламент адепутатцәа Лакоба Аслан, Емырхәба Беслан Аконференциа апленартә еилатәара иалахәын.
Апленартә еилатәараан адепутатцәа ԥшьынҩажәа инареиҳаны аекономикатәи асоциалтәи ҿиара еиуеиԥшым аусхкқәа ирызкыз азҵаарақәа ирыхәаԥшит.
Севастополь ақалақь Азакәанԥҵаратә Еизара Ахантәаҩы Владимир Немцев Алада-Урыстәылатәи Апарламенттә Ассоциациа Ахантәаҩы изинмчхарақәа Владимир Константинов – Ҟрым Ареспублика Аҳәынҭқарратә Хеилак Ахантәаҩы инапахьы ииаигеит.
Алада-Урыстәылатәи Апарламенттә Ассоциациа XLIV Аконференциа анхыркәшаха апарламенттә делегациақәа рнапхгаҩцәа рыпресса ашҟа анеира мҩаԥысит. Урҭ Аконференциа алҵшәақәеи Апарламенттә Ассоциациа аусура аԥхьаҟатәи алшарақәеи  ирылацәажәеит.

Аԥсны Жәлар Реизара – Апарламент аделегациа анапхгаҩы-Апарламент Ахантәаҩы  ихаҭыԥуаҩ Ашот Миносиан иқәгылараҿы Аԥсны Жәлар Реизара – Апарламент Ахантәаҩы  Лаша Ашәба ихьӡала аԥсшәа анреиҳәоз, иҭабуп ҳәа реиҳәеит севастопольаа рысасдкылашьазы.
Иара иазгәеиҭеит Алада-Урыстәылатәи Апарламенттә Ассоциациа 25 шықәсатәи аусура ақәҿиарақәа шамоу атәы аҳәоит. «Алада-Урыстәылатәи Апарламенттә Ассоциациа аусура аҳәаақәа ирҭагӡаны апарламентарицәа реинырра Аԥсни Урыстәылеи рыбжьара аиҩызаратә еимадарақәа рыҿиараҿы акрызҵазкуа акоуп», - ҳәа азгәеиҭеит А. Миносиан.