Ашәба Лаша Аԥсны Аҳәынҭқарра иқәынхо аԥсылманцәа Кәырбан-ныҳәа рыдиныҳәалеит

Аԥсны Жәлар Реизара – Апарламент Ахантәаҩы Ашәба Лаша Аԥсны Аҳәынҭқарра иқәынхо аԥсылманцәа Кәырбан-ныҳәа рыдиныҳәалеит.

Ҳаҭыр зқәу Ҭемыр Леонид-иԥа!

Аԥсны Жәлар Реизара – Апарламент адепутатцәа рыхьӡала Аԥсны аԥсылманцәа Иаку рдоуҳатә усбарҭа, иара убас ҳреспублика иқәынхо аԥсылманцәа зегьы ирыдысныҳәалоит Кәырбан-ныҳәа.  
Адоуҳатә ҵак ду змоу ари аныҳәа аԥсылманцәа жәытә-натә аахыс ҷыдала иазгәарҭоит, уи иугәаланаршәоит аԥсылманра уасхырс иазышьҭоу адоуҳа, ауаа   иреиӷьу ауаҩытәҩсатә ҟазшьақәа рыланааӡоит.

  Аԥсны Аԥсылманцәа Иаку рдоуҳатә усбарҭа акрызҵазкуа ароль нанагӡоит ҳуаажәларра рыҩныҵҟа амилаҭбжьаратә ҭынчреи, аҭышәынтәалареи рышьақәыргылараҿы.
Ари аныҳәа Аԥсны иқәынхо ауаажәларра реилибакаареи, реибачҳареи, аҭаацәарақәа рҳәоуеиқәшәареи ргәыӷрақәа рынагӡареи ирызкызааит есқьынгьы.    
Агәабзиара, аҭынчра рыгымзааит ҩнаҭацыԥхьаӡа Аԥсны аԥсылманцәа!
Ҽааныбзиала шәнеилааит!
  


Аԥсны Жәлар Реизара – Апарламент
Ахантәаҩы                                              Ашәба Лаша  

Аҟәа ақ.
2026 ш. лаҵарамза 26