Аԥсны Жәлар Реизара – Апарламент Ахантәаҩы Ашәба Лаша  зхадараҿы дыҟоу апарламенттә делегациа XXIX Петербургтәи Жәларбжьаратәи аекономикатә форум (ПЖӘАФ) иалахәуп.

Афорум иалахәу Аԥсны Жәлар Реизара аделегациа аилазаараҿы иҟоуп Ахантәаҩы ихаҭыԥуаҩ Ашот Миносиан, адепутатцәа Алиса Гәылариа, Алхас Барцыц, Бадрик Ԥлиа, Инар Гыцба.

Афорум мҩаԥысуеит Санкт-Петербург, рашәарамза 3-6 рзы, аконгресс – цәыргақәҵатә центр «Експофорум» аҭыԥ аҿы, темас иқәгылоуп: «Апрагматикатә диалог – иҭышәынтәалоу аԥеиԥш ахь ихоу амҩа».

Петербургтәи Жәларбжьаратәи аекономикатә форум есышықәса имҩаԥысуеит 1997 шықәса инаркны. 2006 шықәса раахыс ари афорум хылаԥшра аиҭоит, уи дагьалахәуп Урыстәылатәи Афедерациа Ахада Владимир Путин.
▫️