ПОПУЛЯРНОЕ
- Имҩаҧысит Абиуџьет, акредиттә еиҿкаарқәа, ашәахтәқәеи афинансқәеи рзы аилак аилатәара
- АҦСНЫ ЖӘЛАР РЕИЗАРА АҚӘҴАРА
- Иазԥхьагәаҭаз Аԥсны Жәлар Реизара – Апарламент асессиа аилатәара мҩаԥымсӡеит
- Валери Кәарҷиа Екатерина Бебиа Лымшира лыдиныҳәалеит
- Аграртә политикеи, аҧсабаратә лшарақәеи, аекологиеи рзы аилак инарҭбаау аилатәара
Аԥсны Жәлар Реизара -Апарламент Аиҳабы Лаҭатәи атрагедиа инамаданы Аԥсны жәлар рахь ааԥхьара ҟаиҵеит...
«Ҳаҭыр зқәу ҳауаажәлар!
Ҩажәижәаба шықәса раԥхьа, 1992 шықәса ԥхынҷкәынмза 14 рзы, Лаҭа ақыҭан иҟалаз ахҭыс хлымӡаах ҳажәлар зегьы рцәа иҭанарӡыӡеит.
Ари Аԥсны жәлар зегьы имӷьаӡо ахәра рнызҵаз, ахааназы хашҭшьа змам хҭысуп. Амацәаз иҭакыз Тҟәарчал ақалақь аҟнытә Урыстәылатәи аверталиот ақырҭуа қәылаҩцәа еихсны икарыжьит. Аӷа гәымбылџьбарала ашәымҭак ала иҭаирхеит 87 –ҩык ауаа.
Аиԥш зеиԥшыз ацәгьоура ҳҭоурых иаздырӡом. Иҭахаз реиҳарак ахеиқәырхаразы, аӷа дзыкәшаны иҟаз Тҟәарчал иалҵырц иаҿыз аҭынч уааԥысра роуп. Урҭ рыҩныҵҟа иҟан ахшара зцәа иалаз ааҩык аҳәсеи, 35 –ҩык ахәыҷқәеи. Ԥхынҷкәынмза 14 Аԥсны аҭоурых ианылеит хара здымыз ауаа ршьала икәабоу, 1992-1993 шш. Аԥсны Аџьынџьтәылатә еибашьраҟны иҭахаз ахәыҷқәа зегьы ргәалашәара иамшны. Лаҭатәи атрагедиа иалаӡыз ауаа рыхьыӡқәа наунагӡа хашҭра рықәымкәа ианызаауеит иҭахаз рыхьӡала игылоу абаҟа.
Ари арыцҳареиԥш, ақырҭуа архәҭақәа ҳажәлар зҭадыргылаз агәаҟра ахаангьы ҳгәы иҭынҵәараны иҟам. Иаҳхашҭыргьы ҟалаӡом арҭ агыгшәыграқәа, уи мҩаԥызгозгьы аҭакԥхықәра рыдҵазароуп.
Аибашьра иаҳзаанагаз агәаҟрақәа ареспублика иқәынхо ауааԥсыра зегьы еиҳагьы еиднакылеит аӷа иҿагыланы ақәԥараҟны. Аԥсуа жәлар риашареи аиааиразы ирымаз агәрагареи Аԥсны ахьчаҩцәа аҳәынҭқарра ахьыԥшымразы ирымаз ахықәкы анагӡараҟны ирыцхрааит.
Имҩаԥысуа аглобалтә процессқәа иҳарҳәоит 1992-1993 шш. Аԥсны Аџьынџьтәылатә еибашьра иадҳәалоу ахҭысқәа рхамышҭра, ҳҭоурых мырӡкәа абиԥара ҿыцқәа рызнагара иамоу аҵакы.
Хашҭшьа рымаӡам Лаҭатәи атрагедиаҟны иҭахаз зегьы. Имариам ари ахьаа хызҽыша ажәақәа рыԥшаара. Рхьаа рыцеиҩаҳшоит урҭ рыуацәеи рҭынхацәеи.
Аԥсны жәлар зегьы аринахыс ирзеиӷьаҳшьоит аҭынчра, ахирра!»
14.12.2022
Ҩажәижәаба шықәса раԥхьа, 1992 шықәса ԥхынҷкәынмза 14 рзы, Лаҭа ақыҭан иҟалаз ахҭыс хлымӡаах ҳажәлар зегьы рцәа иҭанарӡыӡеит.
Ари Аԥсны жәлар зегьы имӷьаӡо ахәра рнызҵаз, ахааназы хашҭшьа змам хҭысуп. Амацәаз иҭакыз Тҟәарчал ақалақь аҟнытә Урыстәылатәи аверталиот ақырҭуа қәылаҩцәа еихсны икарыжьит. Аӷа гәымбылџьбарала ашәымҭак ала иҭаирхеит 87 –ҩык ауаа.
Аиԥш зеиԥшыз ацәгьоура ҳҭоурых иаздырӡом. Иҭахаз реиҳарак ахеиқәырхаразы, аӷа дзыкәшаны иҟаз Тҟәарчал иалҵырц иаҿыз аҭынч уааԥысра роуп. Урҭ рыҩныҵҟа иҟан ахшара зцәа иалаз ааҩык аҳәсеи, 35 –ҩык ахәыҷқәеи. Ԥхынҷкәынмза 14 Аԥсны аҭоурых ианылеит хара здымыз ауаа ршьала икәабоу, 1992-1993 шш. Аԥсны Аџьынџьтәылатә еибашьраҟны иҭахаз ахәыҷқәа зегьы ргәалашәара иамшны. Лаҭатәи атрагедиа иалаӡыз ауаа рыхьыӡқәа наунагӡа хашҭра рықәымкәа ианызаауеит иҭахаз рыхьӡала игылоу абаҟа.
Ари арыцҳареиԥш, ақырҭуа архәҭақәа ҳажәлар зҭадыргылаз агәаҟра ахаангьы ҳгәы иҭынҵәараны иҟам. Иаҳхашҭыргьы ҟалаӡом арҭ агыгшәыграқәа, уи мҩаԥызгозгьы аҭакԥхықәра рыдҵазароуп.
Аибашьра иаҳзаанагаз агәаҟрақәа ареспублика иқәынхо ауааԥсыра зегьы еиҳагьы еиднакылеит аӷа иҿагыланы ақәԥараҟны. Аԥсуа жәлар риашареи аиааиразы ирымаз агәрагареи Аԥсны ахьчаҩцәа аҳәынҭқарра ахьыԥшымразы ирымаз ахықәкы анагӡараҟны ирыцхрааит.
Имҩаԥысуа аглобалтә процессқәа иҳарҳәоит 1992-1993 шш. Аԥсны Аџьынџьтәылатә еибашьра иадҳәалоу ахҭысқәа рхамышҭра, ҳҭоурых мырӡкәа абиԥара ҿыцқәа рызнагара иамоу аҵакы.
Хашҭшьа рымаӡам Лаҭатәи атрагедиаҟны иҭахаз зегьы. Имариам ари ахьаа хызҽыша ажәақәа рыԥшаара. Рхьаа рыцеиҩаҳшоит урҭ рыуацәеи рҭынхацәеи.
Аԥсны жәлар зегьы аринахыс ирзеиӷьаҳшьоит аҭынчра, ахирра!»