Аҧсны Аҳәынҭқарра Ахада Иусбарҭа аусзуҩцәа рыбжьара аџьатә еизыҟазаашьақәа раанкыларазы
“Аҧсны Аҳәынҭқарра Ахада изы” Аҧсны Аҳәынҭқарра Азакәан 32 ахәҭаҷ инақәыршәаны:
1. Аҧсны Аҳәынҭқарра Ахада Иусбарҭа аусзуҩцәа рыбжьара аџьатә еизыҟазаашьақәа аанкылазааит.
2. Аҧсны Аҳәынҭқарра Ахада Иусбарҭа аусзуҩцәа рнапынҵақәа рынагӡара рыдҵазааит Аҧсны Аҳәынҭқарра Ахада Иусбарҭа аилазаара ҿыц шьақәыргылахаанӡа.
Аҧсны Жәлар Реизара – Апарламент асоциалтә политикеи, аџьеи, агәабзиарахьчареи рзы Аилак ахантәаҩы Леонид Чамагәуеи Приднестровтәи Молдавиатәи Ареспублика азакәанҧҵаратәи, азинхьчаратәи усбарҭақәеи, атәылауаа рзинқәеи рхақәиҭреи рзы Иреиҳаӡоу Аилак ахантәаҩы ихаҭыҧуаҩ ы Григори Диаченкои реиҧылара.
Аиҧылараҿы ирылацәажәеит аҩ-ҳәынҭқаррак рыдәныҟатәи рыҩныҵҟатәи аполитика иадҳәалаз азҵаарақәа, алхратә закәанҧҵара аиҕьтәреи аполитикатә система аҿиареи рзы рҧышәақәа еимырдеит. Ҷыдала иазааҭгылан “Адемократиеи ажәларқәа рзини рзы” Ауаажәларра аҳәынҭқаррақәа-алахәылаҩцәа Рпарламентбжьаратә Ассамблеиа аусура аҳәаа иҭагӡаны русеицура азҵаарақәа. Григори Диаченко Аҧсны Аҳәынҭқаррахь дымҩахыҵит Аҧсны имҩаҧысраны иҟоу Аҧсны Аҳәынҭқарра Ахада иалхра жәларбжьаратәи ахылаҧшҩы иаҳасабала иҽалаирхәырц азы.
Жәларбжьаратәи ахылаҧшҩцәа раҳасабала, Ахада инапынҵақәа назыгӡо Аҧсны Жәлар Реизара – Апарламент ахантәаҩы Валери Бганба иҟаиҵаз ааҧхьарала Приднестровтәи Молдавиатәи Ареспубликаҟнытә иааит иара убас : Надежда Заболотскаиа - Приднестровтәи Молдавиатәи Ареспублика Ацентртә алхратә комиссиа Ахантәаҩы; Владимир Лужански - Приднестровтәи Молдавиатәи Ареспублика адәныҟатәи аусқәа Рминистрра Аконсултә-зинтә усбарҭа аиҳабы, Григори Маракуца - “Адемократиеи ажәларқәа рзини рзы” Ауаажәларра аҳәынҭқаррақәа-алахәылаҩцәа Рпарламентбжьаратә Ассамблеиа Амаӡаныҟәгаҩ Хада.
имҩаҧигеит ааҧынтәи асессиа хзыркәшаз Жәлар Реизара – Апарламент аилатәара. Апарламент иаднакылаз Ақәҵара инақәыршәаны адепутатцәа ҳ. аш. сентиабр 22-нӡа аҧсшьара ицеит.
Август 31, амҽышазы Ҷлоутәи алхратә округ №26 аҿы адепутат Беслан Быҭәба аҿҳәара ааиаанӡа инапынҵақәа рышьҭаҵара инадҳәаланы имҩаҧысит Жәлар Реизара адепутат иалхра. Жәлар Реизара адепутатс далхуп Ҷлоутәи Алмас Џьапуа.
Адепутаттә мандатк иеицықәгылан ҩыџьа акандидатцәа - Алмас Џьапуеи Амиран Какалиеи. Алхрақәа мҩаҧысит “Аҧсны Жәлар Реизарахь адепутатцәа ралхразы” Aзакәан инақәыршәаны.
Акыр иаҧсоу аҵаҩцәа! Ҳаҭыр зқәу арҵаҩцәа!
Гәык-ҧсыкала ишәыдысныҳәалоит Адырра Амш!
Ашкол дарбанзаалак ауаҩы иҧсҭазаараҿы акыр зҵазкуа аамҭоуп. Аброуп ахәыҷқәа адыррақәа ршьапы ахьыркуа, абрантә аҳәынҭқарра иатәылауааны, р-Ҧсадгьыл иаҵеицәаны иҟалоит. Ашкол аҿи аҭаацәараҿи ауп ауаҩы иреиҕьу ауаатәҩсатә ҟазшьақәа: аламыс, аҳаҭыреиқәҵара, аџьабзиабара, аҭакҧхықәра ахьиларааӡо. Иахьагьы ауаҩы ианихцәажәо, дзылгаз а школ ргәаладыршәоит. Акыр иаҳзаҧсоу арҵаҩцәа гәыкала ирзеиҕьасшьоит аихьӡара ҿыцқәа, аҵаҩцәа - рҵараҿы ақәҿиара дуқәеи алеишәа бзиеи, аҭаацәа – ачҳареи ашкол ҧсҭазаара активла аҽалархәреи. Ижәдыруазарц ҳҭахуп ҳгәыҕрақәа шәара ишшәыдаҳҳәало, ҳара ҳганахьала арҵара-ааӡаратә система ахаҭабзиара ашьҭыхразы аҭагылазаашьа аиҕтәразы иҳалшо зегьы ҟаҳҵалоит.
Адныҳәалараҿы иазгәаҭоуп:
“Ҳаҭыр зқәу Рауль Џьумка-иҧа!
Ҳаҭыр ду шәықәҵо, Урыстәылатәи Афедерациаҟны иҟоу Аҧсны Аҳәынҭқарра Ацҳаражәҳәара ахьӡала, хаҭала сара исанашьоуп Аҧсны Аҳәынҭқарра Ахада имаҵурахьы шәалхра шәыдныҳәалара!
Аҳәынҭқарра ахадарахьы алхрақәа рҿы шәара ижәгаз аиааира шаҳаҭра ауеит шәара аҧсны жәлар аполитикатә напхгараҿы ишәырҭо аҳаҭыри агәрагареи ртәы, аҳәынҭқарра амаҵ аураҿы шәара ишәымоу аихьӡарақәа шазхарҵо, ихьыҧшыму, идемократиатәу Аҧсны аргыларазы ахырхарҭа адгылара шарҭо!