Аҧсны Аҳәынҭқарра Аконституциа 69 ахәҭаҷ инақәыршәаны Ахада Рауль ҳаџьымба Жәлар Реизара ахәаҧшырц азы ажәалагала ҟаиҵеит Агәмаа З. М. Аҧсны Аҳәынҭқарра Иреиҳаӡоу Аӡбара Ахантәаҩы имаҵурахьы иалхразы.

Жәлар Реизараҟны имҩаҧысит абиуџьети, акредиттә еиҿкаарақәеи, ашәахтәқәеи, афинансқәеи рзы Аилак инарҭбаау аилатәара. Уи мҩаҧигеит Аилак ахантәаҩы Гьаргь Агрба.

Иҟаиҵаз адныҳәалараҟны Оҭар Ҵәыџьба иагәеиҭеит Станислав Кесаев хаҭала Аҩадатәи Урыстәыла – Аланиеи, Аладатәи Урыстәыла егьырҭ арегионқәеи, Аҩадатәи Кавкази Аҧсни ганрацәалатәи реизыҟазаашьа арҕәҕәараҟны иҟаиҵо алагаламҭа Аҧсны ахә ҳаракны ишыршьо. Уи иколлега изеиҕьеишьеит агәабзиара, анасыҧ, инапы злаку аусқәа зегьы рыҟны аихьӡарақәа.

Адепутатцәа Гаргь Агрба, Гәурам Барганџьиа, Анзор Кокоскера, Ахра Ҧачлиа амассатә информациақәа рхархәагақәа рыҟны иркьыҧхьит Ааҧхьара Ахадеи адепутатцәеи рышҟа ДЖӘРи ЛЖӘРи рхьыҧшымра азхаҵаразы иҟарҵаз ажәалагала адгыларазы.

Алада Ааҧхьара атекст зегьы аагоуп.

Жәлар Реизара Аиҳабы Валери Бганбеи Атәылахьчареи амилаҭтә шәарҭадареи рзы Жәлар Реизара Аилак ахантәаҩы Фазлыбеи Аҩыӡбеи иахьа Грозныи инеит зыҧсҭазаара иалҵыз Чечентәыла Ареспублика Апарламент Аиҳабы Дукувахи Абдурахманов иуацәеи иҭынхацәеи рыдышшыларазы.

Чечентәыла Ареспубликаҟны ари амш ЧА Апарламент Аиҳабы Дукувахи Абдурахманов иҧсҭазаара иалҵра инамаданы лахьеиқәра мышны ирылаҳәоуп.

Жәлар Реизара Аиҳабы Валери Бганба Чечентәыла Ареспублика Апарламент Аиҳабы актәи ихаҭыҧуаҩ Салман Закриев ихьӡала Чечентәыла Ареспублика Апарламент Аиҳабы Дукувахи Баштаи-иҧа Абдурахманов иҧсра инамаданы адышшыларатә шәҟәы дәықәиҵеит.

Адышшыларатә шәҟы аҟны иҳәоуп:

«Ҳаҭыр зқәу Салман Соип-иҧа!

Аҧсны Аҳәынҭқарраҿы гәалсрала ирыдыркылеит Чечентәыла Ареспублика Апарламент Аиҳабы Дукувахи Баштаи-иҧа Абдурахманов иаамҭаӡамкәа иҧсҭазара иалҵра.