Новости

ПОПУЛЯРНОЕ

Кәарҷиа Валери Валентина Матвиенкои Виачеслав Володини Ашықәс ҿыц рыдиныҳәалеит Ашықәс ҿыц аламҭалазы Аҧсны Жәлар Реизара - Апарламент Аиҳабы Кәарҷиа Валери Урыстәылатәи Афедерациа Афедералтә Еизара анапхгара ашҟа адныҳәаларақәа ишьҭит.

05.01.2018

Кәарҷиа Валери ашықәсҿыцазтәи аныҳәақәа рыдиныҳәалеит Алада Уаҧстәыла Ареспублика – Аҳәынҭқарра Алан... Аҧсны Жәлар Реизара – Апарламент ахьӡала уи Аиҳабы Кәарҷиа Валери адныҳәаларақәа ишьҭит иколлегацәа: Алада Уаҧстәыла Ареспублика – Аҳәынҭқарра Аланиа Апарламент Ахантәаҩы Пиотр Гассиев, Приднестровиатәи Молдавиатәи Ареспублика Иреиҳаӡоу Асовет Ахантәаҩы Александр Шьерба, Ареспублика Арцах Амилаҭтә Еизара Ахантәаҩы Ашот Гулиан рыхьӡала.

29.12.2017

Аҧсны Жәлар Реизара – Апарламент Аиҳабы Кәарҷиа Валери аҳәаанырцәтәи атәылақәа рпарламентқәа рнапхга... Аҧсны Жәлар Реизара – Апарламент ахьӡала уи Аиҳабы Кәарҷиа Валери адныҳәаларақәа ишьҭит Ареспублика Никарагуа Амилаҭтә Ассамблеиа Ахантәаҩы Густав Едуардо Поррас Кортес, Ареспублика Вануату Апрламент Аиҳабы Есмон Саимон, Ареспублика Науру Апарламент Аиҳабы Сирил Бураман, Тувалу Апарламент Аиҳабы Отиниел Таутелеимала Тауси рышҟа.

29.12.2017

Апарламенттә ҭҵаарақәа рылҵшәақәа Аҧсны Аҳәынҭқарра ауаажәларра рҟынӡа инагахоит Ҧхынҷкәынмза 29 рзы Аҧсны Аҳәынҭқарра Апарламент ашҟа идҵаалеит гәыҧҩык атәылауаа адепутатцәа рҧыларазы Аҧсны Аҳәынҭқарраҟны ацәгьоура бааҧсқәа ҟазҵаз, 20 шықәса зықәҵаны иҭакыз Георги Лукава ақырҭуа ган иаҭара азҵаара инадҳәаланы.

29.12.2017

Аҧсны Жәлар Реизараҟны имҩаҧысит Лугансктәи Жәлартә Республика адепутатцәеи аделеагациеи рҧылара. Аҧсны Жәлар Реизара Аиҳабы Валери Кәарҷиа имҩаҧигеит Аҧсны Ахьыҧшымра азхаҵара амш азгәаҭаразы Аҧсны Аҳәынҭқаррахь иааз Лугансктәи Жәлартә Республика адепутатцәеи аделегациеи рҧылара.

03.10.2017

Аҧсны Аҳәынҭқаррахь иааит Урыстәылатәи Афедерациа Афедералтә Еизара Афедерациа Ахеилак.

Аҧсны Аҳәынҭқаррахь усуратә визитла иааит Урыстәылатәи Афедерациа Афедералтә Еизара Афедерациа Ахеилак аделегациа.

Аделегациа иалахәын: Афедерациа Ахеилак Атәылахьчареи ашәарҭадареи рзы Аилак ахантәаҩы актәи ихаҭыҧуаҩ, Аҧсны Жәлар Реизара – Апарламенти Урыстәылатәи Афедерациа Афедералтә Еизара Афедерациа Ахеилаки русеицуразы Акомиссиа ацхантәаҩы ихаҭыҧуаҩ Евгении Серебренников, Атәылахьчареи ашәарҭадареи рзы Аилак ахантәаҩы ихаҭыҧуаҩ Мухарбек Дидигов, Афедерациа Ахеилак атәылахьчареи ашәарҭадареи рзы Аилак алахәцәа Ольга Ковитидии Алексеи Кондратиеви, абри Афедерациа Ахеилак Аилак анапхгаҩы Валери Помогаибини, абри Аилак аппарат абжьгаҩ хада Константин Копаеви.

Асенаторцәа рвизит хықәкыс иаман - Аҧсны Жәлар Реизара – Апарламент ааҧхьара ҿыц адепутатцәа аҧхьаҟатәи русеицура азҧхьагәаҭа алацәажәара, иара убас есқьынгьы аус зуа Урыстәылатәи Афедерациа Афедералтә Еизара Афедерациа Ахеилаки Аҧсны Жәлар Реизара – Апарламенти русеицура иазку Акомиссиа аҳәаа иҭагӡаны.

Авизит аан цәыббрамза 20 рзы иазҧхьагәаҭоуп Аҧсны Жәлар Реизара – Апарламент Аиҳабы Валери Кәарҷиа иҧылареи апарламентбжьаратә Комиссиа инарҭбааны аусуратә еилатәареи.

Аҧсны Аҳәынҭқарраҟны аҟазаараан Афедерациа Ахеилак ахаҭарнакцәа иара убас иазгәарҭеит Урыстәылатәи Афедерациа Арбџьар мчқәа урыстәылатәи рырхәҭақәа ахьгылоу аҭыҧқәа.

19.09.2017