- Имҩаҧысит Абиуџьет, акредиттә еиҿкаарқәа, ашәахтәқәеи афинансқәеи рзы аилак аилатәара
- АҦСНЫ ЖӘЛАР РЕИЗАРА АҚӘҴАРА
- Иазԥхьагәаҭаз Аԥсны Жәлар Реизара – Апарламент асессиа аилатәара мҩаԥымсӡеит
- Валери Кәарҷиа Екатерина Бебиа Лымшира лыдиныҳәалеит
- Аграртә политикеи, аҧсабаратә лшарақәеи, аекологиеи рзы аилак инарҭбаау аилатәара
Урыстәылатәи Афедерациа Аконституциа рыдыркылеижьҭеи 21 шықәса аҵра инамаданы Аҧсны Жәлар Реизара Ахантәаҩы Валери Бганба Аҧсны Жәлар Реизара ахьӡала Урыстәылатәи Афедерациа Афедералтә Еизара анапхгара ашҟа адныҳәалара дәықәиҵеит.
Аҧсны Ахада Иусбарҭаҟны имҩаҧысит Аҧсны Жәлар реизара адепутатцәеи, аҵарауааи, ашәҟәыҩҩцәеи, ауаажәларратә еиҿкаара “Ахеиқәырхара” алахәылаҩцәеи, ажурналистцәеи злахәыз Аҧсны аҳәынҭқарратә бызшәа Азакәан анагӡашьеи уи иацу ауадаҩрақәеи инарымаданы аилацәажәара.
Азинтә политикеи, аҳәынҭқарраргылареи, ауаҩы изинқәеи рзы Аҧсны Жәлар Реизара Аилак аилатәараҿы Аҧсны Жәлар Реизара аӡбаратә еиҭакрақәа рзы аусуратә гәыҧ аусура алҵшәақәа ирылацәажәан.
Аилатәара мҩаҧигеит Азинтә политикеи, аҳәынҭқарраргылареи, ауаҩы изинқәеи рзы Аҧсны Жәлар Рееизара Аилак ахантәаҩы Валери Агрба . Уи иалахәын адепутатцәа Аслан Кобахиеи Роберт Иаилиани, аусуратә гәыҧ алахәылаҩцәа: Аҧсны Жәлар Реизараҟны Аҧсны Аҳәынҭқарра Ахада ихаҭарнак Дмитри Шамба, Аҧсны Аҳәынҭқарра Иреиҳаӡоу Аӡбарҭа аӡбаҩ Ҭемыр Шониа, Аҧсны Жәлар Рееизара Аппарат анапхгаҩы Вадим Бжьаниа, Аҧсны Жәлар Реизара азинтәи аналитикатәи ҟәша анапхгаҩы Генади Степанов.
Аилацәажәара иалахәын Аҩныҵҟатәи Аусқәа Рминистр Рауль Лолуа, Ашәарҭадаратә Хеилак амаӡаныҟәгаҩ Муҳамед Кьылба, Ахада ихаҭыҧуаҩ Витали Габниа.
Аҧсны Жәлар Реизара аделегациа алахәын Беларуси Урыстәылеи Реидгыла Апарламенттә Еизараҟны Беларуси Урыстәылеи Реидгыла Апарламенттә Еизара аҩынҩажәабыжьбатәи асессиа.
Беларуси Урыстәылеи Реидгыла Апарламенттә Еизара изаамҭанытәиу асессиа ауснагӡатәқәа мҩаҧысит ақ. Шәача декабр 5 рзы.
Аҧсны Жәлар Реизара акредиттә еиҿкаарақәеи, ашәахтәқәеи, афинансқәеи рзы Аилак инарҭбаау аилатәараҿы “Аҧсны Аҳәынҭқарра 2015 шықәсазтәи аҳәынҭқарратә биуџьет азы” азакәан апроект ахәаҧшра иазку азҵаарақәа ирылацәажәан.