Аиҧылараҿы ирылацәажәан ҳазҭоу ашықәс нҵәаанӡа аиҩызареи, аусеицуреи, аицхыраареи рзы Аҧсни Урыстәылеи аиқәшаҳаҭра ҿыц рыбжьаҵаразы иҟоу алшареи аҭахреи ртәы. Аиқәшаҳаҭра ҿыц хықәкыс иамоуп ихьыҧшым аҩ-ҳәынҭқаррак рыбжьара аинтеграциа аҩаӡара хаҭабзиарала ашьҭыхра.

Уи адагьы, иазгәаҭан Урыстәыла Аҧсны аганахьала иҟанаҵо афинанстә цхыраара ашьҭыхреи урыстәылатәи аинвесторцәа дуқәа атәыла радҧхьалараҿы ацхыраара азуреи ишазхиоу.

Урыстәылатәи аҳәынҭқарра ахада агәыҕра ааирҧшит Рауль Ҳаџьымба аҳәынҭқарра ахадараҿы иусура Аҧсны азеиҧшмилаҭтә еизыразреи аҩныҵҟатәи аполитикатә ҭышәынтәалареи ралыршара, асоциалтә-економикатә ҿиараҿы иактуалтәу ауснагӡатәқәа еффективла рыӡбара ишазкхо.

Урыстәыла Ахада ишьақәирҕәҕәеит Урыстәылеи Аҧсни аҧхьаҟатәи реиҩызаратә еизыҟазаашьа арҕәҕәаразы, иеиуеиҧшым аусхкқәа рҿы аҩганк ирзыфеидоу аусеицуразы иеизааигәаны аусеицура ишазыхиоу..

“Аҧсны Аҳәынҭқарра артистра зҽаҧсазтәыз” ҳәа аҳаҭыртә хьӡы ихҵоуп С. Ҷанба ихьӡ зху Аҧсуа ҳәынҭқарратә драматә театр артист “– Хышба Леонид Пачик-иҧа.

Акыршықәса лҵшәа бзиалаС. Ҷанба ихьӡ зху Аҧсуа ҳәынҭқарратә драматә театр аҿы русуразы артистцәа “Аҧсны Аҳәы нҭқарра зҽаҧсазтәыз акультура аусзуҩы” ҳәа аҳаҭыртә хьӡы рыхҵоуп -Кәыбраа Ва лериан Хәымҧа-иҧеи Топчиан Алеқсан Самуил-иҧеи.

Аҧсны Жәлар Реизара Беларус Амилаҭтә еизара Ареспублика Ахеилак ашҟа “Аҧсны Аҳәынҭқарра ахьыҧшымра азхаҵаразы” иҟанаҵаз Ааҧхьара Беларус Амилаҭтә еизара Ареспублика Ахеилак Ахантәаҩы,

иаҳаракыра А.Н.Рубинов ишҟа.

Ҳаҭыр зқәу Анатоли Николаи-иҧа!

Азин сышәҭ, ҳаҭыр ду шшәықәысҵо ҳәаны, шәара шәҟынӡа абри ашәҟәы анашьҭра.

Шәышҟа схы рханы ааҧхьара аныҟаҳҵо, раҧхьа иргыланы, шәара шәыхьӡала Ареспублика Беларус, Беларус Амилаҭтә еизара Ареспублика Ахеилак анапхгара рышҟа, абеларус жәлар зегьы рахь схы нарханы иҭабуп ҳәа сҳәар сҭахуп Аҧсны Аҳәынҭқарра ашьақәгылара иеиуеиҧшым аамҭақәа раан иҟашәҵоз адгыларазы.

Ҳаҭыр зқәу Анатоли Николаи-иҧа! Аҧсны Жәлар Реизара аҳәара ҟанаҵоит Жәлар Реизара Ареспублика Беларус, Беларус Амилаҭтә еизара Ареспублика Ахеилак ашҟа “Аҧсны Аҳәынҭқарра ахьыҧшымра азхаҵаразы”иҟанаҵо Ааҧхьара шәахәаҧшырц азы.

“Ареспублика Беларус Амилаҭтә еизара ахаҭарнакцәа Рпалатеи Ареспублика Беларус Амилаҭтә еизара Ахеилаки рышҟа “Аҧсны Жәлар Реизара Аҧсны Аҳәынҭқарра ахьыҧшымра азхаҵаразы иҟанаҵаз Ааҧхьаразы” Ақәҵара ацуп.

Ҳаҭырла,

Аҧсны Аҳәынҭқарра Ахада инапынҵақәа назыгӡо,

Жәлар Реизара Ахантәаҩы Валери Бганба.

АҦСНЫ АҲӘЫНҬҚАРРА

АЗАКӘАН

1Ахәҭаҷ

“Аҧсны Аҳәынҭқарра Ахада изы” (Аҧсны Аҳәынҭқарра азакәанҧҵаратә актқәа Реизга,1999, №11, 11ахәҭ.)” Аҧсны Аҳәынҭқарра Азакәан 1999 ш. март 12, №487 – ахәҭ. – XIII аҩбатәи ахәҭа ахҧатәи абзац ацҵаны иалагалазааит абас еиҧш аҵакы змоу аҧсахра:

“Аҧсны Аҳәынҭқарра Ахада изы” азакәан 7 Ахәҭаҷ (“Аҧсны Аҳәынҭқарра Ахада Иҭоуба”) абарҭ ажәақәа рыла ихарҭәаауп:

“Ҭоуба зуеит, сымч-сылша, схы-сыхшыҩ, сыҧсҭазаара зегьы Сыҧсадгьыл, сыуаажәлар рымаҵ аура ишазыскуа, сыжәлар ирымҭаны снапаҿы иҟало амчра ҳҳәынҭқарра Аконституциа, иахьатәи уи амш, уаҵәтәи уи аҧеиҧш рыхьчараз схы ишасырхәо.

Жәлар рылахь соуааит иҧшьоу абри ахықәкы сацәхьаҵны саныҟала!

Иа Анцәа Ду, суҳәоит Сыҧсадгьыли сыуаажәлари рымаҵ аураҿы амчи алшареи суҭарц!”

Азакәанапроект авторс дамоуп адепутат С.Г. Ҳаразиа